Ақорданың баспасөз қызметінің хабарлауынша, Мемлекет басшысы Нұрсұлтан Назарбаев «Astana Group» компаниялар тобының жетекшісі Нұрлан Смағұловпен кездесті.
Кездесу барысында Елбасына отандық автомобиль өнеркәсібінің дамуы туралы баяндады.
Алматыда «Астана Моторс» компаниясы «Hyundai» жеңіл автокөліктерін шығаратын зауыттың құрылысын бастады.
«Кәсіпорынның қуаттылығы бірінші кезеңде 30 мың автокөлікті құрайды, ал екінші кезеңде жылына 45 мыңға дейін артады. Бұл қазақстандық нарықты сапалы және бағасы бойынша қолжетімді «Hyundai» маркалы жеңіл автомобильдермен молықтыруға, сондай-ақ оларды ТМД елдеріне экспорттауға мүмкіндік береді. Жоба инвестициясының жалпы көлемі 25 миллиард теңгені құрайды. Өз қаражатынан басқа коммерциялық шарттардың қарыз қаражаты тартылатын болады. Зауыттың ашылуы 700 жаңа жұмыс орнын ашуға мүмкіндік береді», — деді Президентке Нұрлан Смағұлов.
Нұрлан Смағұлов Қазақстан Президентіне қазақстандық бизнестің дамуына қолдау көрсеткені және «7-20-25″ипотекалық тұрғын үй бағдарламасына ұқсас автонесие беру бағдарламасы туралы шешім қабылдағаны үшін алғыс айтты.
Сулет: bnews.ru
