Қазақстан президенті Қасым-Жомарт Тоқаев ҚХР-ға ресми сапары аясында Ханчжоу қаласының мәдени көрнекті жерлерін аралады. Бұл туралы Ақорданың баспасөз қызметі хабарлады.
Бастапқыда Қасым-Жомарт Тоқаев Ханчжоудағы Қытай Ұлттық шай мұражайына барды. Онда мемлекет басшысы Сиху өзенінің көрікті жерлері жөніндегі әкімшілік комитеттің басшысы Вэн Вэньцзенмен және мұражай директоры У Сяолимен кездесті.
Кездесу барысында Тоқаев шәй дәстүрі мен шай этикетінің қыр-сыры, сондай-ақ ҚХР-дың түрлі провинцияларындағы шай мәдениетінің ерекшеліктері туралы хабардар болды. Сонымен қатар біздің Президентке шай рәсімін көрсетті.
Сондай-ақ, Қазақстан Президенті Лэйфен пагодасына барып, пагода аумағындағы кітапханада жиналған көне қолжазбаларды аралады.
Сурет: akorda.kz
