Қазақстан президентінің баспасөз хатшысы Берік Уәли Қасым-Жомарт Тоқаев Тәуелсіз Мемлекеттер Достастығы елдері басшылары кеңесінің отырысына қатысатынын хабарлады.
“11 қазанда Қазақстан Президенті Түркіменстанға жұмыс сапарымен барады, онда Ашхабадтағы ТМД мемлекеттері басшылары кеңесінің отырысына қатысады”, – деді Уәли.
Сондай-ақ баспасөз хатшысы,Қазақстан Президенті осы жылдың 10 қазанында Маңғыстау облысына жұмыс сапарымен баратынын хабарлады.
“Жұмыс сапары аясында Президент жазушы Әбіш Кекілбайұлы ескерткішінің ашылуына қатысып, Ақтаудағы облыстық тарихи-өлкетану мұражайына барады”, – деді Берік Уәли.
Сурет: 24.kz
