Бүгінгі таңда біздің республикамызда еліміздің Тәуелсіздік күніне орай іске қосылған патриоттық челлендж халық арасына кеңінен танымал. Бұл туралы NUR ақпарат агенттігі хабарлайды.
Осы патриоттық шара аясында қазақстандықтар республикамыздың барлық аймақтарында «Мен қазақпын» әнін орындап жатыр.
Осындай челлендж Қазақстан Президентінің назарынан тыс қалған жоқ. Twitter әлеуметтік желісіндегі өзінің ресми бетінде Қасым-Жомарт Тоқаев аталмыш акцияны қолдады. Оның айтуынша, мұндай челлендждер халықты бірлікке шақырады.
Бұған дейін қоғам қайраткері Олжас Сүлейменов Қасым-Жомарт Тоқаев Алматыны Алма-Ата деп қайта атау туралы бастаманы қолдайтынын айтты. Алайда, Президент кеңесшісі Ерлан Қарин бұл ақпаратты жоққа шығарды.
