Қазақстан президенті Қасым-Жомарт Тоқаев ҚР Ұлттық қорының қаражатын ағымдағы проблемаларды шешуге жұмсауды тоқтату қажеттігін мәлімдеді. Бұл туралы мемлекет басшысының баспасөз қызметі хабарлады.
Қасым-Жомарт Тоқаев Парламент палаталарының бірлескен отырысында Қазақстан халқына арнаған Жолдауында Ұлттық қордың қаражаты болашақ ұрпақ үшін бөлінетінін айтты.
«Ұлттық қордан алынатын трансферттер бәсекеге қабілетті экономиканы қалыптастыруға бағытталған бағдарламалар мен жобаларды жүзеге асыруға ғана бөлінуге тиіс. Кепілдік берілген трансферт көлемі 2020 жылдан бастап 2 трлн теңгеге дейін біртіндеп азайтылуы тиіс», — деді Тоқаев.
Сонымен қатар, Қазақстан Президенті Қазақстан Республикасы Ұлттық қорының қаражатын пайдаланудың неғұрлым тиімді инвестициялық саясатын жүргізу қажеттігін мәлімдеді.
Осыған байланысты Тоқаев Үкіметке және Ұлттық банкке осы жылдың соңына дейін Ұлттық қор қаражатын пайдалануды жетілдіру үшін тиісті шаралар әзірлеуді тапсырды.
Ұлттық қор — бұл Қазақстан Республикасы Үкіметінің Қазақстан Ұлттық банкіндегі шотына шоғырланатын қаржы активтерінің жиынтығы болып табылатын біздің еліміздің мемлекеттік қоры.
