Қазақстан Республикасының Президенті Қасым-Жомарт Тоқаев халықаралық құжатқа қол қойды, атап айтқанда Қазақстан мен Кипр арасындағы қосарланған салық салуды болдырмау туралы конвенция ратификацияланды, деп хабарлайды Ақорданың баспасөз қызметі.
Токаев ратификациялаған бұл конвенция елімізде инвестиция тарту үшін қажетті жағдайлар жасауға, сондай-ақ Қазақстан мен Кипр арасындағы экономикалық ынтымақтастықты нығайтуға ықпал ететін болады.
Бұдан бұрын конвенцияны ратификациялауға байланысты заң жобасы Қазақстан парламенті жоғарғы палатасының пленарлық отырысында қаралып, мақұлданды.
Отырыс шеңберінде Сенат депутаттары конвенцияға сәйкес, елдер салық төлеушіге тек бір рет ғана салық төлеу мүмкіндігін қамтамасыз ететін болады, ал басқа мемлекет, өз кезегінде, төленген салық сомасына есептеме береді деп атап өтті.
Сондай-ақ, бұл заң жобасы бойынша Қазақстан Парламенті жоғарғы палатасының депутаты Ольга Перепечина сөз сөйледі. Ол мұндай конвенцияларды қабылдау трансшекаралық сауданы жеңілдетуге және инвестицияларды тартуға ықпал ететінін мәлімдеді.
