Министрлер кабинетінің кеңейтілген отырысында Президент Қасым-Жомарт Тоқаев еліміздің қаржы секторының мәселелерін қозғады. Бұл туралы оның баспасөз қызметі хабарлады.
Мемлекет басшысы қазіргі уақытта Қазақстанның қаржы жүйесінде шешілуі қажет елеулі проблемалар байқалып отырғанын мәлімдеді.
Мәселен, Қасым-Жомарт Тоқаев қазір экономиканы несиелендіруде банктердің рөлі төмендегенін атап өтті. Оның айтуынша, бұл халықты тұтынушылық несиелеудің қарқынды өсуіне байланысты.
Сонымен қатар, Президент несиелердің үштен екісі кепілсіз берілгенін атап өтті, бұл елдің қаржы жүйесінде маңызды проблемалар бар екенін байқатады. Сондықтан да, Тоқаев айтқандай, несиені шынымен өтей алатындарға беру қажет.
Осыған байланысты, мемлекет басшысының пікірінше, қаржылық тұрақтылықты қамтамасыз ету қажет. Осы мақсатқа жету үшін Қазақстанның қаржы жүйесін қалпына келтіру тәсілдерін әзірлеу қажет екенін айтты.
Сондықтан, Президент мәлімдегендей, осы жылдың 1 шілдесіне дейінгі орта мерзімді кезеңге арналған ақша-несие саясатын әзірлеу қажет, ол барлық қаржы секторын кешенді дамытуды қамтамасыз етуге және экономикалық өсімді қолдап, инфляцияны тежеу арасындағы консенсусқа қол жеткізуге мүмкіндік береді.
Сурет: liter.kz
