Қазақстан президенті Қасым-Жомарт Тоқаев Ақордада өткен Арыс қаласын қалпына келтіруге қатысушыларды марапаттаудың салтанатты рәсіміне қатысты. Бұл туралы мемлекет басшысының баспасөз қызметі хабарлады.
“Арыстағы қайғылы оқиға бір сәтте мыңдаған жергілікті отбасын баспанасыз қалдырды. Жүздеген оқ-дәрі жарылысынан ғимараттар мен тұрғын үйлердің 90% зардап шекті. Біздің әскери және құқық қорғау органдары қызметкерлерінің жедел және батыл іс-әрекеттері халықты эвакуациялау және уақытша орналастыру жұмыстарын алғашқы минуттан-ақ бастауға мүмкіндік берді. Біздің арамызда, сол кезде тіпті жаңа жарылыстар қаупінен де қаймықпаған, нағыз батырлар бар”, – деді Тоқаев.
Мемлекет басшысы өзі қалада болып, осы қорқынышты трагедияның ауқымын өз көзімен көргенін айтты. Оның айтуынша, барлық отандық құрылымдарға зардап шеккендерді орналастырып, қаланы дереу қалпына келтіру үшін тиісті шаралар қабылдау тапсырылды.
“Қайғылы оқиға ешкімді бей-жай қалдырмады. Біз Арысты бүкіл елмен қалпына келтірдік. Қазақстанның әрбір азаматы өз үлесін қосты”, – деді Қасым-Жомарт Тоқаев.
Соңында Елбасы Арыс қаласын қалпына келтіруге қатысқан барлық адамдарға, атап айтқанда, Түркістан облысының әкімдігіне және әкім Өмірзақ Шөкеевтің жеке өзіне, Қазақстан Үкіметіне, премьер-министр Асқар Маминге, медициналық және әскери қызметкерлерге алғысын білдірді.
