Елімізде төтенше жағдай режимін қамтамасыз етуге жауап беретін мемлекеттік комиссияның бүгінгі отырысында республика басшысы Қасым-Жомарт Тоқаев қазақстандықтарды жұмыс орындарымен қамтамасыз ету қажеттігін мәлімдеді, деп хабарлайды Президенттің баспасөз қызметі.
Халықты жұмыспен қамту туралы айта келе, Тоқаев мұны республика бюджетінен қаражат бөлінген жобалар негізінде жасау қажеттігін атап өтті.
Мемлекет басшысы мұндай жобаларды іске асыруда мүмкіндігінше көп азаматтарды тарту қажеттігін айтты. Сонымен қатар, адами капиталды дамытуға ықпал ететін, не тұрақты экономикалық табыс әкелетін бастамаларға қолдау көрсету қажет.
Осыған байланысты Қасым-Жомарт Тоқаев оқу мекемелерін, медициналық мекемелерді және басқа да нысандарды жаңарту жұмысымен айналысу қажеттігін мәлімдеді. Сонымен бірге, елдің түрлі аймақтарындағы ұқсас объектілердің құны бірдей болуы өте маңызды.
Бұрынырақ Қазақстан Республикасында бүгіннен бастап коронавирус инфекциясының күрделі жағдайына байланысты енгізілген төтенше жағдай режимінің әрекет етуі тоқтатылғаны хабарланған.
Сурет: rambler.ru
