Қазақстанда төтенше жағдай режимін қамтамасыз етуге жауапты мемлекеттік комиссия карантинді жеңілдету бойынша бірқатар шешімдер қабылдады. Бұл туралы Қазақстан премьер-министрінің баспасөз қызметі хабарлады.
Мемлекеттік комиссия мүшелері еліміздің барлық өңірлерінде 27 сәуірден, ал Шымкентте 1 мамырдан бастап жұмысты қайта бастауға рұқсат беретін кәсіпорындар тізімін бекітті.
Тізбеге өнеркәсіп кәсіпорындары, құрылыс саласында маманданған компаниялар және ірі құрылыс дүкендері енгізілді.
Сонымен қатар тізімге көлік, қызмет көрсету, ауыл шаруашылығы мақсатындағы ұйымдар, сондай-ақ қызмет көрсету саласының кейбір субъектілері, банктер мен қаржы секторының ұйымдары кірді.
Мемлекеттік комиссияның шешімі бойынша елордада электр тұрмыстық техника дүкендерінің, саяжай тауарларын сату қызметі жаңартылады.
Сондай-ақ, мемлекеттік комиссия өңірлердің, Нұр-сұлтан, Алматы және Шымкент қалаларының әкімдеріне халықтың аула алаңдары мен саяжай алқаптарына қолжетімділігін қамтамасыз етуді тапсырды.
Министрлер кабинетінің басшысы Асқар Мамин карантин режимі жеңілдетілсе де, әкімдер қоғамдық орындардың сапалы санитарлық өңделуін қадағалауы және санитарлық нормалардың сақталуын қамтамасыз етуі тиіс деп мәлімдеді.
Сурет: primeminister.kz
