Білім Министірімен бекітілген, балаларды мектепке қабылдау ережелері күшке енді – 365info.kz
Құжат “білім алушылардың дайындық деңгейі мен даму деңгейі бойынша, сыныптарды жасақтауға” тыйым салады. Яғни, мысалы, тек үздік және екпінді оқитын оқушылардан ғана тұратын «күшті» сыныптар болмайды.
Ата-аналар балаларына мектепті өздері таңдайды. Қабылдауға бас тартқан жағдайда, олар жергілікті білім беруді басқарудың органдарына жүгіне алады.
Бірінші сыныпқа алтыға толған немесе жыл соңына дейін алты жасқа толатын, барлық балалар қабылданады. Бұл ретте балалардың дайындық деңгейі рөл атқармайды.
Болашақ бірінші сынып оқушыларын , тек гимназия мен лицейлерге қабылдау кезінде ғана емтихан алуға болады. Алайда, егер бала, балабақшаға бармаса және мектепке дейінгі дайындықтан өтпеген болса, ата-аналар оны мектепке дейінгі дайындық курстарына беруі тиіс.
Балаларға арналған құжаттар, мектептерде 1 маусымнан 30 тамызға дейін қабылданады. Ата-аналарға еркін түрде өтініш, баланың туу туралы куәлігінің көшірмесі, 026/у-3 және 063/у медициналық нысандары және 3х4 форматтағы екі фотосурет қажет.
