Ресей үкіметінің басшысы Дмитрий Медведев,егер Өзбекстан ЕАЭО құрамына кірсе, онда оның Дүниежүзілік сауда ұйымына кіру үдерісі күрделенетінін мәлімдегег американдық сауда министрі Уилбур Россқа жауап берді.
“Өзбекстанда жүрген Америка Құрама Штаттары министрлерінің бірі, Еуразиялық экономикалық одақ пен Өзбекстан арасындағы ынтымақтастық Өзбекстанның ДСҰ-ға қосылуын қиындататынын айтты. Бұл бәсекеге қабілетсіз күрес әдістерін қолдану”, – деді ресейлік премьер-министр.
АҚШ министрінің мәлімдемесі туралы айта келе, Дмитрий Медведев мұндай іс-әрекеттер өте оғаш көрінеді, өйткені американдықтар әлемдік сауданы ұйымдастыруға бейберекеттк жасауға тырысуда, сауда қырқыстарын жүргізіп, шын мәнінде халықаралық сауда айналымдарына іріткі салумен айналысады.
“Бұл интеграциялық үдерістер, біз қол қойған келісімдер, жалпы біздің континенттегі ынтымақтастық мұхиттың арғы жағындағы әріптестерімізге аса ұнамайды. Бірақ біз серіктестерімізбен бұл жұмысты барлық бағыттарда жалғастырамыз.Біздің бірлестіктің географиясы кеңейіп келе жатқанын тағы да атап өткім келеді. Ресей тарапы бұған барынша ықпал етуге дайын”, – деді Дмитрий Медведев.
