Асфендияров атындағы Қазақ ұлттық университетінің студенттері емтиханды офлайн режимінде тапсыруға, сондай-ақ коронавирусқа қарсы екпе алуға мәжбүр болғандарын айтып шағымданды, деп хабарлайды Tengrinews.kz.
Медициналық ЖОО-ның 5 курс студенттері WhatsApp редакциясы нөміріне шағым түсірді. Онда университет әкімшілігінің емтиханды оффлайн өткізу туралы нұсқамасы Алматы қаласының санитарлық дәрігерінің, «қызыл» аймаққа байланысты, оқу жылының соңына дейін қашық форматта оқу туралы қаулысына қайшы екендігі айтылған.
«Енді бізге барлық емтихандар мен мемлекеттік емтихандар жеке түрде өтетіні туралы хабарланады және біз бәріміз вакцина егуіміз керек. Алматы қаласындағы барлық жоғары оқу орындары, басқа медициналық университеттер емтиханды онлайн режимінде тапсырады. Біріншіден, вакцинацияны мәжбүрлеу заңсыз. Екіншіден, еліміздің түкпір-түкпіріндегі барлық студенттерді жеке емтихан тапсыруға шақыру дұрыс емес деп ойлаймыз», – дейді студенттер.
Студенттер оқытушымен Telegram чатында хат алмасуды келтірген, онда вакцина егілмеген бірде-бір студент емтихандарға жіберілмейді делінген.
Асфендияров атындағы ҚазҰУ-дың баспасөз қызметі «Жалпы медицина-2» мектебінің жоғары курс студенттері аралас форматта оқитынын хабарлады. Тәжірибелік сабақтың бір бөлігі симуляциялық орталық базасына ауыстырылды.
«Сонымен бірге, болашақ дәрігерлерді «науқастың төсегі» қасында оқытудың ерекшелігі, клиникалық ойлауды қалыптастыру медициналық мекемелер (ауруханалар, емханалар, орталықтар) қабырғасында студенттер мен науқастар арасындағы тікелей байланыс арқылы ғана мүмкін болатындығы белгілі, сондай-ақ қуыршақтар мен дәлбедер бойынша машықтану кезінде. Осыған байланысты 2020-2021 оқу жылында ҚазҰМУ-дың барлық бітіру курстары, алдағы аралық аттестаттау және қорытынды мемлекеттік аттестаттау күндізгі форматта өтеді», – деп хабарлады университеттің баспасөз қызметі.
Мемлекеттік емтихандар екі сатыда өтетіні хабарланған: қуыршактар мен дәлбедерлер бойынша симуляциялық орталықта тәжірибелік дағдыларды тексеру және тапсыру.
«Асфендияров атындағы ҚазҰМУ студенттеріне, оның ішінде Жалпы медицина-2 мектебінің студенттеріне ерікті түрде вакцина егу ұсынылады. Деканат қызметкерлері үнемі студенттер арасында вакцинация мәселелері бойынша түсіндіру жұмыстарын жүргізеді (неге вакциналау керек, кімді вакциналауға болады, вакциналау реакциялары, вакциналаудың қарсы көрсеткіштері). Вакцинация – эпидемиялардың, жұқпалы аурулардың ауыр және асқынған ағымының алдын алудың жалғыз тиімді әдісі. Ұжымдық иммунитетіне қол жеткізуге, вакциналау нәтижесінде білім беру мекемелерінде күндізгі оқытуға ерте оралуды қамтамасыз етеді, бұл медициналық ЖОО үшін өте маңызды», – деп қорытындылады білім беру ұйымы.
