Әлеуметтік медициналық сақтандыру қоры 2019 жылдың басынан бастап Қазақстан Республикасының медициналық ұйымдарына 305 млрд теңге төледі,деп хабарлайды kapital kz ақпараттық агенттігі.
«2019 жылғы 4 мамырға дейінгі жағдай бойынша қор жеткізушілеріне 305 млрд теңге немесе медициналық көмектің кепілдік берілген көлемі шеңберінде медициналық көмек көрсетуге жасалған келісім-шарт сомасының 35,4% төленді», — деп хабарлады Қор Басқармасы Төрағасының орынбасары Ботагөз Жакселекова.
Бөлінген қаражатпен қосқанда жалпы сомасы 860 млрд теңгені құрады. 2018 жылмен салыстырғанда қаржыландыру көлемі 5%-ға өсті. 1403 медициналық ұйым мемлекеттік тапсырыс шеңберінде Қазақстан халқына қызмет көрсететін болады. Оның 701-і жеке меншікті.
Саны бойынша мемлекеттік тапсырыс аясында медициналық көмек көрсетуге дайын жеке медициналық ұйымдар Шымкент, Нұр-сұлтан, Алматы, Қызылорда және Жамбыл облыстарында көш бастап тұр.
