Мәжіліс депутаты Светлана Бычкова Сенат отырысында кәмелетке толмағандар жасаған және кәмелетке толмағандарға қатысты жасалған қылмыстар туралы хабарламағаны үшін әкімшілік жауапкершілікті енгізу жоспарланып отырғанын айтты, деп хабарлайды NUR.KZ журналисі.
Бұл норма «ҚР кейбір заңнамалық актілеріне баланың құқықтарын қорғау жөніндегі функцияларды жүзеге асыратын ұйымдардың қызметіне байланысты мәселелер бойынша өзгерістер мен толықтырулар енгізу туралы» заң жобасына енгізілген. Ол мұғалімдерге, медиктерге және әлеуметтік қызметкерлерге қатысты.
Кәмелетке толмағандар жасаған немесе оларға қатысты оқу орындарында, медициналық мекемелерде және әлеуметтік қорғау органдарында балалармен жұмыс істейтін адамдар жасаған қылмыстар туралы хабарламағаны үшін әкімшілік жауапкершілік енгізіледі. Дәрігер соққыға ұшыраған баланы көріп, ол туралы Құқық қорғау органдарына хабарлауы тиіс, мұғалім соққыға жығылған баланы немесе баланың арып-ашу күйінде екенін көрсе, тиісті шаралар қолдануы тиіс. Норманы бұзғаны үшін айыппұл салынады, оның көлемі әкімшілік құқық бұзушылық туралы Кодексте белгіленген.
Бұрын норма тек мұғалімдерге қатысты болатын. Оған әлеуметтік қызметкерлер мен дәрігерлерді қосу арқылы кеңейтілетін болады.
Аталған нормалар көршілерге және басқа да бөгде адамдарға қолданылмайды, өз жұмысы шеңберінде балалармен жұмыс істейтіндерге ғана қатысты болады.
Сурет: nur.kz
