Сыртқы істер министрлігі әзірлеген Қазақстан Республикасы Үкіметінің қаулысына сәйкес Мемлекет Басшысы Қасым-Жомарт Тоқаевтың қарауына “Марокко Корольдігінде Қазақстан Республикасының Елшілігін ашу туралы”Қазақстан Республикасының Президенті Жарлығының жобасы енгізілді. Бұл туралы Үкімет Аппаратының баспасөз қызметінен хабарлады.
Құжатқа түсіндірме жазбада Мароккода Қазақстан Елшілігін ашу туралы ел Президенті Жарлығының жобасы республика басшысының биылғы жылғы 4 ақпандағы No20-603 тапсырмасына сәйкес әзірленді.
Қаулы жобасын орындау “сыртқы саяси қызметті үйлестіру жөніндегі қызметтер”бағдарламасы шеңберінде ағымдағы жылға арналған мемлекеттік бюджеттен Қазақстанның сыртқы саяси ведомствосы үшін көзделген ақша қаражаты есебінен жүргізілетін болады деп күтілуде.
“Марокко Корольдігінде Қазақстан Республикасының Елшілігін ашу Қазақстан Республикасының Марокко Корольдігімен екіжақты қарым – қатынастарының барлық спектрін кеңейту есебінен Қазақстанның дипломатиялық қызметінің тиімділігі мен жеделдігін арттырады”, – деп атап өтті қаулы жобасына түсіндірме жазбада ел үкіметінің басшысы Асқар Мамин.
Сурет: kaztag.kz
