Қазақстан Республикасының Әділет министрі есеп беру кездесуінде Марат Бекетаев Ұлттық банктің шотына 21,5 миллиард АҚШ доллары көлемінде заңсыз тыйым салудың күшін жоюға қол жеткізгенін мәлімдеді.
“Мемлекет мүддесін қорғау туралы. Ұлттық қор активтеріне заңсыз тыйым салыну күшін жойды. 21,5 млрд АҚШ долларын құрайтын Bank of New York Mellon – дағы ҚРҰБ шотына заңсыз тыйым салуды алып тастауға қол жеткізілді”, – деп хабарлады Бекетаев.
Сондай-ақ, ол қазіргі уақытта шығынды өтеу бойынша жұмыстар жүргізіліп жатқанын атап өтті.
Естеріңізге сала кетейік, 2003 жылдан бастап 2018 жылға дейінгі кезеңде мемлекет мүддесін қорғауға 18 миллиард доллар көлемінде қаражат жұмсалды.
2018 жылдың басында Bank of New York Mellon Қазақстан Ұлттық қорының шоттарын 22 миллиард долларға тоқтатты.
