Шығыс Қазақстан облысының прокуроры Құсайын Игембаевтың және ШҚО полиция департаментінің бастығы Жанарбек Бақтыбаевтың бастамасымен Марқакөл табиғи қорығының аумағында браконьерлікке қарсы күрес мәселелері бойынша ведомствоаралық кеңес өтті.
Кеңеске ШҚО әкімінің орынбасары Шалқар Байбеков және облыстың мемлекеттік органдарының бірінші басшылары қатысты.
Іс-шара барысында мемлекет басшысы Қасым-Жомарт Тоқаев өзінің Қазақстан халқына Жолдауында браконьерлермен күресті жандандыру қажеттігін атап өтті.
ШҚО полиция департаментінің бастығы бүгінгі таңда өңірде браконьерлікпен күрес жүргізіліп жатқанын айтты.
“Қазіргі уақытта айтарлықтай күш жұмылдырылған. Су биоресурстары айналымы саласындағы қылмыстарды анықтау, оның жолын кесу және ашу бойынша мақсатты жедел жұмыс тиісті бақылауға алынды”, – деді Бақтыбаев.
Ол барлық мемлекеттік құрылымдар қаскөйлердің қылмыстарын жүзеге асыруға мүмкіндік беретін жағдайлардың жолын кесу үшін бірігуі тиіс екенін айтты.
Ведомствоаралық кеңес соңында облыстық прокурор табиғи қорықтың аумағында браконьерлікті жою үшін тиісті шаралар қабылдау қажет деп мәлімдеді. Осыған байланысты тараптар туындаған проблеманы шешетін ведомствоаралық жұмыс тобын құруға келісті.
