Жақында «Халық коммунистері» фракциясының депутаттары Премьер-Министрдің атына депутаттық сауал жолдады, онда Қазақстанда зейнеткерлік жасты төмендету қажеттігі туралы айтылды. Бүгін Асқар Мамин осы сауалға жауап берді, деп хабарлайды оның баспасөз қызметі.
Атқарушы билік басшысы қазіргі экономикалық жағдайды ескере отырып, зейнет жасын көтеру — қажеттілік екенін айтты.
«Орта есеппен әлемде 65 жастан асқан адамдар үлесінің 10%-ға артуы болжанып отыр, ол өз кезегінде зейнетақы жүйенің тұрақтылығына әсер етеді», — деді Үкімет басшысы.
Мамин зейнетақы жасының артуы әлемдегі қалыптасқан экономикалық жағдайға және халықаралық тәжірибеге сәйкес келетінін атап өтті.
Маминнің жауабынан кейін, кейбір БАҚ Премьер-Министр зейнет жасының көтерілгенін жариялады деп түсігді. Алайда Үкіметтің баспасөз қызметі олай емес екенін мәлімдеді.
Министрлер Кабинеті өкілдерінің айтуынша, коммунистердің депутаттық сауалына жауап ретінде Мамин республикада қолданылып жүрген зейнетақымен қамсыздандыру жүйесінің 2018 жылы күшіне енген өзгерістеріне түсіндірме берді. Яғни Қазақстанда зейнетақы жасын көтеру немесе төмендету жоспарланған жоқ.
Сурет: kapital.kz
