Мемлекетіміз министрлер кабинетінің басшысы Асқар Маминнің Нұр-Сұлтанда жұмыс сапарымен жүрген “Роскосмос” мемлекеттік корпорациясының бас директоры Дмитрий Рогозинмен кездесуі өтті, деп хабарлайды “Қазақпарат” ақпарат агенттігі.
Кездесу барысында Асқар Мамин мен Дмитрий Рогозиннің назары екі бауырлас елдің ғарыш саласындағы ынтымақтастық мәселелеріне аударылды.
Кездесуде талқыланған мәселелердің ішінде Қазақстан мен Ресейдің Жерді қашықтықтан зондтау саласындағы өзара іс-әрекетіне және Байқоңыр ғарыш айлағын одан әрі дамытуға байланысты мәселелер болды.
Мамин мен Рогозин Байқоңырда “Энергия” зымыран-ғарыш корпорациясы әзірлеген “Союз-5” зымыран-тасығыштарын ұшыратын жаңа “Бәйтерек” зымыран кешенін салу жобасына ерекше назар аударды.
Сонымен қатар, 2020 жылғы 30 шілдеде қол қойылған “Бәйтерек” құрылысы туралы шартқа сәйкес Қазақстан Республикасы “Бәйтерек” салынатын “Зенит-М” зымыран кешенінің жерүсті инфрақұрылымы объектілерін қаржыландыру мәселелеріне жауапты болады. Ресей Федерациясы өз кезегінде зымыран тасығышты жасау мен Байқоңырға тасымалдауды қаржыландыратын болады.
Сонымен қатар, кездесу аясында Қазақстан премьер-министрі мен “Роскосмостың” бас директоры “Гагарин стартын” жаңғырту жобасына қатысты мәселелерді талқылады.
Сурет: inform.kz
