Қазақстан Министрлер кабинетінің басшысы Асқар Мамин Үкіметтің кеңейтілген отырысында қазақстандық тарап инвестиция тартуға бағытталған қандай саясатты жүргізуге ниетті екенін айтты. Бұл туралы «ҚазАқпарат»жаңалықтар ресурсы хабарлайды.
«Инвестициялар үшін жаһандық бәсекелестікті күшейту жағдайында елдер инвестициялық бәсекеге қабілеттілікті күшейту бойынша мақсатты шаралар қабылдауда. Осыған байланысты инвестицияларды проактивті және таргеттелген тартуға баса назар аударылатын болады», — деп Мамин мәлімдеді.
Сондай-ақ, премьер Үкіметте жалпы сомасы 47 триллион теңгені құрайтын жобалар пулы құрылғанын қосты.
«Осы пулдан стратегиялық инвестициялық келісімдер жасау үшін ірі жобалар іріктелетін болады. Әрбір стратегиялық инвестор қосылған құн тізбегінің әрбір кезеңінде тікелей жұмыс жүргізетін болады. Заңнаманың тұрақтылығы қамтамасыз етіледі және МЖӘ бойынша шараларды жетілдіру бойынша жұмыс жалғастырылады», — деп премьер-министр түсіндірді.
Сонымен қатар, ол қазіргі уақытта экономикалық дипломатияны қарқындату желісі бойынша 65 елдік инвестициялық бағдарлама әзірленгенін хабарлады. Бұл бағдарламаларға таргеттелетін компаниялар мен салалардың тізімі енгізілген.
«Бұл шетелдік мекемелерге тікелей шетелдік инвестицияларды проактивті түрде тарту бойынша нақты жұмыс жүргізуге мүмкіндік береді»,-деп премьер-министр толықтырды.
Асқар Мамин Қазақстан үшін ағымдағы жылы жалпы сомасы 19 миллиард доллар болатын шетелдік инвестициялар тарту, сондай-ақ бұл көрсеткішті 2025 жылға қарай 30 миллиард долларға жеткізу стратегиялық міндет болып табылады.
Сурет: inform.kz
