«Цифрлық саладағы бизнесті қолдау шараларының арқасында біз мыңнан астам инновациялық компания құруды жоспарлап отырмыз. Тұтастай алғанда, IT-саласында 100 мыңнан астам жаңа жұмыс орындарын құру жоспарлануда, бұл сыни массаны қалыптастыруға және экономиканың барлық салаларында мультипликативтік әсерлерді іске қосуға көмектеседі», — деді Асқар Мамин Digital Almaty forum 2021 шеңберінде.
Ол алдағы бес жыл ішінде барлық облыс орталықтары мен Республикалық маңызы бар қалалар 5G жабынымен қамтамасыз етілетінін атап өтті.
«Бүгінде цифрландыруды дамыту мәселесі бұрынғыдан да өзекті. Біздің бәсекеге қабілеттілігіміз алдағы онжылдықтарда ұлттық экономикалар деңгейінде де, ЕАЭО кеңістігі деңгейінде де технологиялық алшақтыққа жол бермеу жөніндегі күш-жігеріміздің табыстылығына байланысты болады. Одақ органдарындағы төрағалық шеңберінде Қазақстан ЕАЭО бірыңғай нарығын цифрландыру әлеуетін толық іске асыру, біздің экономикаларымыздың бәсекелестік артықшылығы арасындағы өзара байланысты құру үшін барлық күш-жігерін салады. Біз Одақтың цифрлық күн тәртібі аясында бастамаларды әзірлеу және іске асыру жөніндегі бірлескен тәсілдерді жаңартып, күшейтуіміз керек», — деді Асқар Мамин.
Сурет: inform.kz
