Премьер-министр Асқар Мамин Chevron компаниясының Еуразиялық-Тынық мұхит өңіріндегі барлау және өндіру жөніндегі президенті Найджел Хирнмен мұнай өндіру саласындағы өзара іс-қимылдың перспективаларын талқылады, деп zakon.kz хабарлайды.
Chevron үш ірі жоба — Теңіз (50%), Қарашығанақ (18%) және Каспий құбыр консорциумы (15%) активтері бар Қазақстандағы ірі шетелдік инвестор болып табылады.
2020 жылы ТШО-да шикі мұнай өндіру көлемі 26,5 млн тоннаны құрады. Мемлекетке $6,6 млрд көлемінде тікелей қаржы төлемдері жүзеге асырылды, $3,5 млрд астам сомаға қазақстандық жеткізушілердің тауарлары мен қызметтері сатып алынды, ТШО газы Атырау облысында полипропилен (қуаты жылына 500 мың тонна) және полиэтилен (жылына 1,25 млн тонна) өндірісі бойынша екі ірі газ — химия жобасы үшін шикізат болып табылады, – делінген ПМ сайтында.
Тараптар “Теңізшевройл” (ТШО) болашақ кеңейту жобасын іске асыруды талқылады, оның аяқталуы бойынша ТШО өндіруді 2023 жылы жылына 12 млн тоннаға дейін арттырады, бұл жиынтығында жылына шамамен 39 млн тоннаны құрайды.
Кездесуге энергетика министрі Нұрлан Ноғаев және “ҚазМұнайГаз “ҰК” АҚ Басқарма Төрағасы Алик Айдарбаев қатысты.
