Үкіметтің, Ұлттық банктің және Қаржы нарығын реттеу мен дамыту агенттігінің келісілген іс-қимылын қамтамасыз ету үшін 2021-2023 жылдарға арналған макроэкономикалық саясат шараларын үйлестіру туралы келісім жасалды.
“Осы Келісім ағымдағы жағдайларда Үкімет пен қаржы реттеушілерінің келісілген іс-қимылын қамтамасыз етуге мүмкіндік береді. Халықтың тұрмыс деңгейі мен әл-ауқатын арттыру елдің әлеуметтік-экономикалық саясатының басымдығы болып қала береді. Ол үшін ақша-кредит, салық-бюджет және құрылымдық саясаттарды, сондай — ақ қаржы секторын дамыту саясатын үйлестіру қамтамасыз етіледі”,-деді ҚР Премьер-министрі Асқар Мамин Үкімет отырысында.
Министрлер кабинетінің басшысы бірлескен шараларды жүзеге асыру үш бағыт бойынша жүзеге асырылатынын айтты.
Біріншіден, “макроэкономикалық тұрақтылықты арттыру” бағыты шеңберінде төмен инфляция, қаржы жүйесінің тұрақтылығы мен экономиканың өсуі арасындағы теңгерімді қамтамасыз ете отырып, іскерлік белсенділікті ынталандыру бойынша шаралар қабылданатын болады.
“Инфляцияны біртіндеп төмендету және оны тұрақты экономикалық өсуге ықпал ететін төмен деңгейде сақтау бойынша жұмыс жалғасады”, — деп Асқар Мамин толықтырды.
Үкімет мүшелері тиісті қаулыға дауыс берді.
“Барлық мүдделі мемлекеттік органдар, Ұлттық банк және Қаржы нарығын реттеу және дамыту агенттігі келісім іс — шараларының белгіленген мерзімде сапалы орындалуын қамтамасыз етуі қажет”, – деп Асқар Мамин түйіндеді.
Сурет: inform.kz
