Қазақстанның оңтүстік астанасында өзара іс-қимылды дамыту және іскерлік байланыстарды орнату бойынша бизнес-конференция өтті, оның барысында қазақстандық және малайзиялық компаниялар арасында ынтымақтастық туралы меморандумға қол қойылды.
Іс-шараға 13 малайзиялық компаниялардың өкілдері мен Малайзияның Сыртқы сауданы дамыту корпорациясының бас директорының орынбасары Мохд Мұстафа Абдул Азиз қатысты.
Бас директордың орынбасары конференцияға қатысушылардың алдында сөйлеген сөзінде малайзиялық тарап Қазақстанмен үкімет деңгейінде де, бизнес деңгейінде де ынтымақтасуға ниетті екенін мәлімдеді.
Бұл екі ел арасындағы стратегиялық серіктестікті нығайтады. Біз мұнда түрлі салаларда жергілікті кәсіпкерлермен бірлесіп бизнес ашқымыз келеді. Сондай-ақ, халал бизнесті дамытқымыз келеді.Біз осы салада қазір түрлі елдермен ынтымақтастамыз.Сіздерде керемет ет бар, әсіресе қой еті.Біз сіздердің бизнесмендеріңізді өз елімізде де күтеміз», – деді Мохд Мустафа Абдул Азиз.
Өз кезегінде, біздің республикамыздың Алматыдағы сыртқы саяси ведомство өкілдігінің басшысы Ерлан Ысқақов Малайзияның кәсіпкерлері біздің елмен ынтымақтастыққа мүдделі екенін, бұл Қазақстанның Орталық Азия өңіріндегі беделін тағы бір рет баса көрсететінін айтты.
«Менің ойымша, мұндай кездесулер жалғасады.Бастысы — кездесу белгілі бір коммерциялық қызығушылыққа ие, өйткені Қазақстан өзінің экономикалық және инвестициялық көрсеткіштерінде тұрақты», – деді Ерлан Ысқақов.
