Маңғыстау облысында «Қаражанбасмұнай» АҚ вахталық кентінде жергілікті мұнайшылар ұйымдастырған наразылық акциясы өтті. Бұл туралы nur.kz ақпарат агенттігі жазады.
Акция кезінде ондаған ауысым жұмысшылары 30 күндік жұмыс режиміне көшуге наразы болып, 10 күн жұмыс істеп, он күн демалатын бұрынғы кестесіне қайтаруды талап етті.
«Қаражанбасмұнай» АҚ өкілдері өз кезегінде олардың қызметкерлері шынымен ереуіл ұйымдастырып, бұрынғы жұмыс кестесіне көшуді талап еткенін хабарлады.
Сондай-ақ, компания басшылығы туындаған жағдайды реттеу үшін вахташылармен кездесу өткізуді жоспарлағанын айтты, алайда оның нәтижелері әлі белгісіз.
«Қаражанбасмұнай» АҚ — Ақтаудан 230 шақырым жерде орналасқан Қаражанбас кен орнында мұнай өндірумен айналысатын қазақстандық мұнай компаниясы.
Маңғыстау облысында коронавирустық инфекцияны жұқтырудың 224 оқиғасы ресми түрде тіркелді, ал Қазақстан Республикасында олардың саны 10382-ге жетті, 5220 COVID-19 ауруынан емделді.
