Желіде пайда болған бейнежазбада ГМ-172/10 мекемесінде қызмет киімін киген адам сотталғандарды ұрып жатыр. Аталған айғақ бойынша сотқа дейінгі тексеру жүргізілуде, деп хабарлайды Lada.kz Маңғыстау облысы ҚАЖД баспасөз қызметіне сілтеме жасай отырып.
Таратылатын бейнежазбаның сипаттамасында ҚР ҚК-нің 124-бабы (Жас балаларды азғыру), ҚР ҚК-нің 234-бабы (Экономикалық контрабанда) және ҚР ҚК-нің 346-бабы (Көлік құралдарын жүргізу құқығынан айырылған және ішімдік, есірткілік және (немесе) уытқұмарлық масаң күйдегі адамның көлік құралын жүргізуі, сол сияқты көлік құралын басқаруды осындай адамға беру немесе осындай адамды көлік құралын жүргізуге жіберу) бойынша сотталған үш тұтқын жарақат алғаны айтылады.
«Қазіргі уақытта Маңғыстау облысы ПД өзіндік қауіпсіздік басқармасы ГМ-172/10 мекемесі бастығының орынбасарына қатысты ҚК 362 — бабы 1-бөлігі (Билікті немесе лауазымдық өкілеттікті асыра пайдалану) бойынша сотқа дейінгі тексеру жүргізуде», — деп хабарлады Маңғыстау облысы ҚАЖД баспасөз қызметі.
