Естеріңізге сала кетейік, желіде Маңғыстау облысының әкімі мен оның орынбасары арасында дау орын алып, арты төбелеске ұласқаны туралы ақпарат пайда болды. Өз кезегінде Маңғыстау облысы әкімдігінің қызметкерлері бұл таратылымға түсініктеме беріп, оның жалған екенін айтты. Бұл туралы «Zakon» ақпарат агенттігі хабарлайды.
Маңғыстау облысы әкімінің аппаратында 29 мамырда облыс әкімі Ералы Тоғжанов пен оның орынбасары Нұрдәулет Қилыбайдың арасында төбелес орын алғаны туралы ақпаратты мессенджерлерде тарататылғаны белгілі болды. Қол жұмсап қоғамдық тәртіпті бұзу әкімдік қызметкерлерінің көзінше орын алды.
Маңғыстау облысы әкімдігінің қызметкерлері бұл жалған ақпарат екенін айтты, себебі, Нұрдәулет Қилыбай 24-і мен 29 мамыр аралығында жұмыс сапарында болды.
«Бұған дейін әлеуметтік желілерде таралған Маңғыстау облысының әкімі Ералы Тоғжанов пен оның орынбасары Нұрдәулет Қилыбай арасында 29 мамыр күні түсініспеушілік туындады дегн ақпарат таратылған. 24-29 мамыр аралығында Нұрдәулет Қилыбай Қытай Халық Республикасында іс-сапарда болғанын ресми мәлімдейміз. Аталған жалған ақпарат таратқан тұлғаларды анықтау мақсатында құқық қорғау органдарына ресми хат жіберіледі», – деп хабарлады Маңғыстау облысының әкімдігі.
Сурет: 24smi.org
