Маңғыстау облысының аумағында көмірсутек шикізатын өңдеу кешені салынады. Жоба құны 12 миллиард теңгеден асады. Бұл жөнінде LS ақпараттық агенттігі хабарлайды.
Жобаны отандық компания жүзеге асырады. Кешенді іске қосу келесі жылдың ІІ тоқсанына жоспарланған. Зауыттың қуаттылығы жылына 350 мың тонна дизель отыны мен АИ-92, АИ-95 бензинін құрайды.
«Жобаның құны-12,1 миллиард теңге. Кәсіпорында 200 жұмыс орны ашылады», — делінген LS сайтында.
Сондай-ақ, Қазақстанда осындай үш жобаны іске қосу жоспарланып отыр. Батыс Қазақстанда мұнайды терең өңдеу зауыты салынуы мүмкін. Оның құны 420 миллион долларды құрайды.
Түркістан облысының аумағында мұнай өңдеу зауыты салынуда. Осыған ұқсас зауыт Қызылорда облысында да салынуда.
Сурет: lada.kz
