Маңғыстау облысының бас санитарлық дәрігері Ерғали Сыдыманов аймақта карантиндік шараларды жеңілдету туралы қаулыға қол қойды. Бұл туралы vlast.kz ақпарат агенттігі хабарлайды.
Қаулыға сәйкес, биылғы жылдың 25 мамырынан бастап өңірде сыйымдылығы 30 отыратын орыннан аспайтын қоғамдық тамақтану объектілеріне жұмыс істеуге рұқсат етіледі.
Сонымен қатар, сауда-ойын-сауық орталықтарына жұмыс істеуге рұқсат етіледі, алайда кинотеатрларға, ойын алаңдарына және олардың аумағындағы басқа да ойын-сауық орындарына жұмыс істеуге тыйым салынады.
Сонымен қатар, өңірде балалар аттракциондарының қызметі, сондай-ақ барлық спорт нысандарының қызметі қалпына келтіріледі.
Ерғали Сыдыманов карантиндік шараларды жеңілдету олардың толық күшін жоюды білдірмейді деп ерекше атап өтті. Ол азаматтарға, індет əлі аяқталмағандықтан,белгіленген талаптарды сақтау қажеттігін ескертті.
Соңғы мәліметтерге сәйкес, Маңғыстау облысында коронавирусты жұқтырудың 164 оқиғасы ресми түрде тіркелді, ал Қазақстан Республикасында олардың саны 7919-ға жетті.
Бұған дейін 11 мамырдан бастап елімізде төтенше жағдай режимі тоқтатылған, алайда карантиндік шаралар сақталатыны хабарланған.
