Маңғыстау облысы әкімінің бұрынғы орынбасары Серік Аманғалиев пара алғаны үшін сотталды және он жылға бас бостандығынан айырылды. Бұл туралы облыстық соттың баспасөз қызметі хабарлады.
«27 тамызда Маңғыстау облысының қылмыстық істер жөніндегі мамандандырылған ауданаралық соты парақорлық ісі бойынша Маңғыстау облысы әкімінің бұрынғы бірінші орынбасары Серік Аманғалиевке қатысты үкім шығарды. Сот шешімімен Серік Аманғалиевті 10 жыл мерзімге бас бостандығынан айыруға үкім шығарды», — деп ақпарат берді сот өкілдері.
Сондай-ақ, сотталған адам өмір бойы Мемлекеттік қызмет атқару және құқық қорғау органдарында өзінің еңбек қызметін атқару құқығынан айырылған. Сонымен қатар ол «Құрмет»мемлекеттік марапатынан айрылды.
