Түркістан облысы Мақтаарал ауданында үйлерін су басу азаматтарға қаржылай көмек төлеу жұмысы басталды. Бұл туралы «Қазақпарат» ақпарат агенттігі хабарлады.
Қазір Мақтаарал ауданында су басқан кенттердің тұрғындарына «Халық» банк карталары беріледі, оған 100 мың теңге көлемінде ақша салынады.
Карта зардап шеккен отбасыларға «Гүлсара» мейрамханасында, Мырзакент кентінің орта мектебі мен балабақшасында, сондай-ақ Атакент ауылының эвакуациялық пункттерінде табыс етіледі.
Мемлекеттің қолдауынан басқа, су тасқынынан зардап шеккен 5202 тұрғын үйдің иелері бір мың доллардан алады, олар да аталған банк карталарына салынады.
Зардап шеккен азаматтарға 5 миллион доллардан астам қаражатты көмек ретінде ресейлік кәсіпкер Алишер Усманов бөлді.
1 мамыр күні Өзбекстанда Сардоба су қоймасының бөгеті бұзылып, Мақтарал ауданының коллекторлары суға толды, нәтижесінде Түркістан облысының ауылдарын су басты.
Бұл туралы мемлекет басшысы Қасым-Жомарт Тоқаев су тасқынынан зардап шеккен барлық азаматтарға 100 мың теңге көлемінде көмек көрсетілетінін айтты.
