Техногендік сипаттағы төтенше жағдай жарияланған Мақтаарал ауданында Өргебас елді мекенін су басты. Бұл туралы zakon.kz жаңалықтар ресурсы хабарлайды.
Бүгін түнде 250 үйді су басқан Фердоуси елді мекені тарапынан Өргебасқа су тарала бастады, сол себепті жергілікті тұрғындар – 1451 адам эвакуацияланды.
Қазір 194 үй бар Оргебас елді мекені су астында қалды. Халықты эвакуациялау кезінде зардап шегіп, құрбан болғандар жоқ.
Мақтарал ауданындағы төтенше жағдайға байланысты 18 эвакуациялық орын анықталды, ал құтқару жұмыстарына 630 адам, 2 су көлігі және 56 арнайы техника жұмылдырылды.
Бұған дейін Сардоба су қоймасы бөгетінің жарылуына байланысты Мақтаарал ауданының коллекторлары суға толғаны хабарланған.
Бұл жағдайды Қазақстан мен Өзбекстан басшылары Қасым-Жомарт Тоқаев пен Шавкат Мирзиеев телефон арқылы талқылады.
Өзбекстан басшысы су басу салдарынан зардап шеккен азаматтардың тез арада сауығуы үшін бірлескен шаралар қабылдауға ниетті екенін мәлімдеді.
