Елді мекендерін су басқан Мақтаарал ауданына азық-түлік түрінде гуманитарлық көмек келді. Бұл туралы “Қазақпарат”ақпарат агенттігі хабарлады.
Су басудан зардап шеккен азаматтарға қаржылай көмек Қазақстан ұйғыр республикалық мәдени орталығының Талдықорған облыстық филиалынан жіберілді.
Алматы облысындағы Ұйғыр этномәдени орталығының өкілі Нұрум Ивуллаев Мақтарал ауданына 2 миллион теңгеге 7 тонна түрлі азық-түлік әкелінгенін айтты.
Азық-түлік түріндегі гуманитарлық жүк Атакент қаласындағы арнайы қоймада орналастырылды. Кейін ол су тасқынынан зардап шеккен азаматтарға бөлінеді.
Бұған дейін Мақтаарал ауданында зардап шеккен азаматтарға ресейлік бизнесмен Алишер Усмановтан көлемі 1 мың доллар құрайтын қаржылай көмек төлеу жұмыстары жүргізіліп жатқаны хабарланған.
Осы жылдың 11 мамырында Өзбекстанда Сардоба су қоймасының бөгеті бұзылып, Мақтарал ауданының коллекторларына су толып, елді мекендерді су басқан.
