Палата Спикері Нұрлан Нығматулиннің төрағалығымен Мәжіліс Бюросының отырысы өтті, онда Палатаның алдағы жалпы отырысының күн тәртібінің жобасы жасалды, деп zakon.kz хабарлайды.
Депутаттарға бюджет заңнамасын жетілдіру мәселелері бойынша заңнамалық түзетулерді бірінші оқылымда қарау ұсынылады.
Заң жобасында бюджет шығыстарынан қайтарымды арттыруға бағытталған бюджет процесін реформалау көзделеді.
Өзгерістер мен толықтырулар, атап айтқанда, бюджеттік бағдарламалар әкімшілерінің лимиттерін айқындау жөніндегі тәсілдерге қатысты болады, бюджеттің атқарылуын жетілдіру жөніндегі нормалар, сондай-ақ бюджеттік өтінім жасауды оңайлату және т. б. көзделеді.
Депутаттардың алдағы пленарлық отырысы күн тәртібінің жобасында, сондай-ақ, парламентарийлер әзірлеген инклюзивті білім беруге қатысты заңнамалық жаңалықтар бар.
Депутаттық заң жобасы инклюзивті және арнайы білім берудің нормативтік құқықтық базасын жетілдіруге, отандық заңнаманы Мүгедектердің құқықтары туралы Конвенция қағидаттарына сәйкес келтіруге бағытталған.
