Біздің республикада төтенше жағдай мәселелері бойынша Қазақстанның кейбір заңнамалық актілеріне өзгерістер енгізу үшін заң жобасымен айналысып жатқан жұмыс тобының отырысы өтуде. Бұл туралы Мәжілістің баспасөз қызметі хабарлады.
Отырыс бейнеконференцбайланыс режимінде өтуде. Оның күн тәртібіне дағдарысқа қарсы заңнамалық түзетулер пакеті ұсынылды. Оған мәжілісмендер, мемлекеттік органдар мен “Атамекен” Ұлттық Кәсіпкерлер палатасының өкілдері қатысуда.
Бейнеконференцияға қатысушылардың алдында сөз сөйлеген Қазақстан Ұлттық экономика министрлігі басшысының орынбасары Айгүл Шаимова бұл заң жобасы төтенше жағдай режимі кезеңінде басқарушылық шешімдер қабылдау үшін қажетті шара болып табылатынын атап өтті.
Бұл заң жобасында төтенше жағдай режимін енгізуде қолданылатын негізгі шаралар мен уақытша шектеулерді толықтыру бөлігінде “Төтенше жағдай туралы” және “Құқықтық актілер туралы” Қазақстан Республикасының заңдарына өзгерістер енгізіледі.
Қазір біздің республикамызда Президент Қасым-Жомарт Тоқаевтың тапсырмасы бойынша COVID-19 таралуына байланысты төтенше жағдай режимі енгізілді.
Сурет: inform.kz
