Мемлекет басшысы Қасым-Жомарт Тоқаев бүгін парламенттің төменгі палатасының төрағасы Нұрлан Нығматулинмен кездесті. Бұл туралы zakon.kz ақпарат агенттігі жазады.
Кездесу Президентті өткен парламенттік сессия барысындағы Мәжіліс қызметінің нәтижелерімен және алдағы жұмыс жоспарларымен таныстыру мақсатында өтті.
Сондай-ақ, Қасым-Жомарт Тоқаевқа Парламенттің төменгі палатасы депутаттарының өңірлерді аралауы туралы ақпарат берілді. Нұрлан Нығматулиннің айтуынша, парламенттік демалысқа қарамастан, мәжілісмендер жұмыстарын тоқтатқан жоқ. Атап айтқанда, олар дәріханалар мен медициналық мекемелерге барып, оларда дәрі-дәрмектердің болуын қадағалады.
Кездесу аясында Мәжіліс спикері бүгінгі таңда мәжілісмендердің қарауында 75 заң жобасы бар екенін, оның 22-сі депутаттардың өздері бастамашы болғанын айтты.
Нығматулиннің баяндамасын тыңдағаннан кейін, мемлекет басшысы Парламенттің жаңа сессиясында депутаттық корпус қызметінің басымдығының бірі халыққа жолдауды және сыбайлас жемқорлыққа қарсы күреске бағытталған және басқа да бастамаларды одан әрі іске асыруды заңнамалық қамтамасыз ету екендігін мәлімдеді.
Бұған дейін хабарланғандай, 1 қыркүйекте өтетін парламенттік сессияның ашылуында Қасым-Жомарт Тоқаев халыққа жаңа Жолдау жолдайды.
Сурет: akorda.kz
