Мәжіліс депутаттары өңірлерде тұрғындармен кездесулер өткізуді жалғастыруда. Бұл туралы zakon.kz ақпарат агенттігі хабарлайды.
Кездесу барысында олар білім беру нысандарының жаңа оқу жылына дайындығын тексерді.
Мәжіліс депутаты Джамиля Нұрманбетова Нұр-сұлтанның бірнеше оқу орындарында болып, педагогтардың назарын ауыр эпидемиологиялық жағдай кезінде оқушылар мен студенттерді қашықтықтан оқытуды ұйымдастыру мәселелеріне аударды.
Ол барлық карантиндік қауіпсіздік шараларын сақтай отырып, білім беру процесінің сапасын сақтаудың маңыздылығын атап өтті.
Негізінен халықтың әлеуметтік осал топтарының оқушылары оқитын № 65 мектеп-гимназиясына барған кезде балаларды компьютермен қамтамасыз ету мәселесі анықталды. Ильинка ауылының № 69 мектеп-гимназиясының оқушылары әлі күнге дейін жоғары жылдамдықты интернетке қол жеткізе алмайды, бұл қашықтықтан оқыту кезінде белгілі бір қиындықтар туғызады.
Депутаттар қашықтықтан оқыту кезінде барлық мектеп оқушылары дербес компьютер мен интернетке қол жеткізе алуы керек, ал мемлекет бұл мәселені шешуге міндетті екенін айтты.
Бұған дейін хабарланғандай, Қазақстан Үкіметі Жамбыл облысынан 40 000-ға жуық оқушыны компьютерлермен қамтамасыз етеді.
Сурет: politics.nur.kz
