Қазақстан парламенті төменгі палатасының депутаттары Армения астанасына жұмыс сапарымен барды. Онда Армения Республикасы Ұлттық Жиналысы спикерінің орынбасары Лена Назарянмен кездесті. Бұл туралы Қазақстан Мәжілісінің баспасөз қызметі хабарлады.
Кездесу барысында Қазақстан мен Армения арасындағы парламентаралық ынтымақтастықты нығайтуға қатысты мәселелер қаралды.
Өз кезегінде, армян Парламенті төрағасының орынбасары қазақстандық делегацияны Тәуелсіздік күнімен құттықтап, екі ел арасындағы сауда-экономикалық ынтымақтастықты, сондай-ақ ЕАЭО аясындағы өзара қатынасты дамытуға байланысты мәселелерге назар аударды.
Сонымен қатар, Ереванға жұмыс сапары барысында мәжілісмендер “Қазақстан-Армения” ынтымақтастық жөніндегі парламентаралық топтың мүшелері – армян әріптестерімен кездесті. Бұл кездесуде экономикалық ынтымақтастық мәселелері сөз болды.
Сонымен қатар, Армения астанасына сапары аясында Мәжіліс депутаттары Ереван мемлекеттік университетінің шығыстану факультетінің түркітану кафедрасының жанындағы Қазақ тілі, мәдениеті және Қазақстан тарихы орталығында болды.
Сурет: parlam.kz
