Қазақстан парламенті төменгі палатасының депутаты Василий Олейник ядролық сынақтардан зардап шеккен азаматтарға жеңілдіктер беруді ұсынды. Бұл туралы «ҚазТАГ» ақпарат агенттігі жазады.
Сөз Семей ядролық полигонындағы сынақтардың құрбандары туралы болып отыр. Мәжілісменнің айтуынша, қазіргі уақытта ядролық сынақтардың салдарынан зардап шеккен аймақтарда тұратын азаматтардың саны шамамен бір жарым миллион адамды құрайды.
Василий Олейник министрлер кабинетіне осындай азаматтарға жалақы мен зейнетақыларға ай сайынғы үстемеақыны қалпына келтіріп, зейнетке шығуға жеңілдік беру ету қажет деп мәлімдеді.
Сонымен қатар, Мәжіліс депутаты қазір полигон орналасқан Шығыс Қазақстан аумағында 110 мыңнан астам зейнеткер тұратынын атап өтті, бірақ ол полигон маңында бұрын тұрған адамдарға да жеңілдіктер берілуі тиіс деп санайды.
Сонымен қатар, Василий Олейник Курчатов қаласында, халыққа және қызметкерлерге дозалық жүктемелерді бақылап, есепке алып отыратын республикалық кешенді дозиметрия орталығын құру қажеттілігін мәлімдеді.
Сурет: Inosmi.ru
