Мәжілістің әлеуметтік-мәдени даму комитетінің басшысы Бейбіт Мамраев Түркі кеңесі елдерінің парламентшілерімен бүкіл адамзат үшін сынға болған коронавирус індетін талқылады. Бұл туралы zakon.kz ақпарат агенттігі жазады.
Түркітілдес елдердің Парламенттік ассамблеясына мүше парламенттердің денсаулық сақтау мәселелері жөніндегі комитеттері басшыларының бейнеконференциясында сөйлеген сөзінде Мамраев мұндай пікірталастар ортақ жау — індетке қарсы күресте өзара іс-әрекетті күшейтуге мүмкіндік беретінін атап өтті.
Қазақстандық депутаттың айтуынша, коронавирус кезеңінде елдер ынтымақтастығының беріктігі сыналды және Еуразиялық экономикалық одақ мемлекеттері эпидемиямен күресуде кешенді іс-қимыл жоспарын әзірлеп, оны қабылдап, мықты әрі тиімді әріптестіктің көрнекі мысалы бола алды.
Сондай-ақ, коронавирус инфекциясы кезінде одақтас елдер бір-бірін гуманитарлық көмекпен қолдады. Қазақстанға ең қомақты көмекті Ресей Федерациясы көрсетті, ол гуманитарлық көмектен басқа, біздің республикамызға өз дәрігерлерін жіберді.
Сонымен қатар, індетке қарсы күрестің қиын кезеңінде Қазақстан Республикасы ресейлік қоғамдық ұйымдардан да көмек алды. Бұл үшін олар «Ізгілікті көршілік» акциясын ұйымдастырды, оның аясында елімізге гуманитарлық жүктер жеткізілді.
Түркі кеңесі елдерінің депутаттарымен пікірсайыс барысында Бейбіт Мамраев мәжілісмендердің коронавирусқа қарсы бағытталған шараларды заңнамалық қамтамасыз ету бойынша жүргізіп жатқан жұмыстары туралы айтты.
Сурет: mir24.tv
