Қазақстан Мәжілісінің депутаты Нұржан Әлтаев зорлауды ауыр қылмыс санатына ауыстыру қажет деп мәлімдеді. Бұл туралы ол зорлық-зомбылық әрекеттері үшін жауапкершілікті күшейту тақырыбына арналған дөңгелек үстел барысында хабарлады.
“Ең бастысы, менің ойымша, біз зорлауды орташа ауырлықтағы санаттан ауыр қылмыстар санатына аударуға тиіспіз. Бұл менің позициям және әріптестерім мен серіктестерімнің позициясы. Қазір қоғамда әйелдер, әпкелер, аналар, қыздарға қатысты болып жатқан қылмыстарға мүлдем жол берілмеуі керек Мен әйелдерді туыс,туыс емес деп бөлмеймін. Мұндай жағдайға тап болған кез келген қазақстандық мен үшін туыс және мен үшін ең жақын адам”, – деді Нұржан Әлтаев.
Сондай-ақ дөңгелек үстел барысында ол екі жолсерік әйелді зорлаған Тальго оқиғасын еске салды.
“Болып жатқан бұндай оқиғаларға жол берілмеуі керек. Бұл барлық қазақстандық ерлердің ар-намыс мәселесі. Біз оны өз қолымызға алуға тиіспіз, және әпкемізге қатысты Тальгода болған резонанстық жағдай, зорлық-зомбылық әрекеттер жасалды, ал зорлық жасағандар тек 2,5 жылға ғана сотталды, бұған мүлдем жол берілмеуі керек”, – деді Әлтаев.
