Қазақстанның Тұңғыш Президенті Нұрсұлтан Назарбаев еліміздің Парламенті төменгі палатасының төрағасы Нұрлан Нығматулинмен кездесу өткізді. Бұл туралы Елбасының баспасөз қызметі хабарлады.
Кездесу барысында Нығматулин Назарбаевқа Мәжілістегі Nur Otan басқарушы партиясы фракциясының қызметі мен жұмыс жоспарлары туралы баяндады.
Нұрлан Нығматулин бүгінгі таңда Мәжілістің қарауында 45 заң жобасы бар екенін айтты.
«Барлық 3 фракция жұмысқа кірісті.Біздің фракцияның алдына сіздің тапсырмаларыңызды, сайлау алдындағы бағдарламаларыңызды және «100 нақты қадам» ұлттық жоспарды орындауда сапалы бақылауды жүзеге асыру міндеттері қойылды, — деді Мәжіліс Спикері.
Сондай-ақ, Елбасы осы жылдың 23-24 қыркүйегіне белгіленген Еуропа және Азия елдері спикерлерінің кеңесіне дайындығы туралы хабардар болды.
«Спикерлер кеңесіне әлемнің 65 елінен делегаттар қатысады. Елімізде осындай жоғары деңгейдегі парламенттік іс-шара соңғы 20 жылда алғаш рет өткізіліп отыр. Биыл Еуропа мен Азия елдері парламенттері спикерлерінің кеңесі Еуразиялық идеяның 25 жылдығына арналады»,-деді Нығматулин
