Мәжіліс Төрағасы Нұрлан Нығматулин бүгін ЕҚЫҰ-ның аз ұлттар істері жөніндегі Жоғарғы комиссары Ламберто Заньермен кездесті. Бұл туралы Мәжілістің баспасөз қызметі хабарлады.
Кездесу барысында Нығматулин ұлтаралық келісім мен Қазақстан қоғамының бірлігі мемлекеттің өркендеуі мен тұрақты дамуындағы маңызды рөл атқаратынын Заньерді хабардар етті.
Спикер ЕҚЫҰ өкіліне Қазақстанның Тұңғыш Президенті Нұрсұлтан Назарбаевтың бастамасымен құрылған бірегей институт — Қазақстан халқы Ассамблеясы туралы әңгімеледі. Сондай-ақ, ол аталған институттың өкілдері Мәжілісте де ұсынылғанын атап өтті.
Нығматулин этносаралық келісімнің қазақстандық моделі басқа мемлекеттер үшін үлгі бола алады деп мәлімдеді. Қазақстан толерантты қоғам құрудағы өз тәжірибесімен бөліседі.
Жоғарғы комиссар Қазақстанда жасалған этносаралық қатынастар моделі өте жемісті және көп үміт күттіретін екенін атап өтті.
