Мәжіліс Төрағасы Нұрлан Нығматулин Армения Ұлттық жиналысының Спикері Арарат Мирзоянмен парламентаралық ынтымақтастықты нығайту мәселелерін талқылады.
Н. Нығматулин мен А. Мирзоянның кездесуі ҰҚШҰ Парламенттік Ассамблеясының алаңында өтті.
Нұрлан Нығматулин өзара тиімді әріптестік пен сенім қағидаттарында дамып келе жатқан достық қазақстан-армян қарым-қатынастарын атап өтті.
Мәжіліс Спикерінің айтуынша, екіжақты сауда-экономикалық байланыстарды кеңейтуге Еуразиялық экономикалық одақ аясындағы бірлескен жұмыс ықпал етеді.
Мәжіліс Спикері Қазақстан-армян парламентаралық қатынастары туралы айта келіп, Еуразиялық интеграцияны заңнамалық қамтамасыз ету бойынша алдағы бірлескен жұмыстың маңыздылығын атап өтті. Нұрлан Нығматулин өзінің армян әріптесіне ынтымақтастық жөніндегі парламенттік топтардың және парламенттердің салалық комитеттерінің заң шығару қызметінің тәжірибесімен алмасу үшін әлеуетін белсенді пайдалануды ұсынды.
Кездесу барысында тараптар ҰҚШҰ ПА аясындағы өзара іс-қимылды нығайтуға байланысты мәселелерді де талқылады. Арарат Мирзоян атап өткендей, парламентшілердің бірлескен жұмысы қазіргі заманғы ең өткір сын-қатерлерге шешім іздеуге ықпал етеді.
