Қазақстан парламенті төменгі палатасының басшысы Нұрлан Нығматулин Вьетнамға ресми сапары кезінде Дананг қаласында болып, қаланың партия комитетінің хатшысы Чыонг Куанг Нгиамен кездесті,деп хабарлайды Мәжілістің баспасөз қызметі.
Кездесу барысында тараптар Қазақстан Мәжілісі төрағасының Вьетнамға ресми сапарының қорытындысына қатысты мәселелерді талқылады. Нығматулин осы елде өткен кездесулер біздің республикамыз бен Вьетнамның екіжақты қарым-қатынастарын дамытудың болашағы бар екенін көрсеткенін атап өтті.
«Ол үшін бізде барлық жағдай бар. Қалыптасқан саяси диалог, мықты сауда-экономикалық әріптестік. Мұның бәрі біздің парламентаралық қарым-қатынастарымызды дамытуға да қуатты серпін береді. Бүгін біз вьетнамдық әріптестерімізбен заңнамалық тәжірибе алмасу, заңдарды үйлестіруге ұмтылу үшін өзара іс-қимылды неғұрлым серпінді жасауға келістік. Бұл Еуразиялық экономикалық одақ аясындағы біздің ынтымақтастығымызға байланысты ерекше өзекті болып отыр», – деді Мәжіліс басшысы.
Нұрлан Нығматулин Вьетнамға сапары аясында теңіз портына барып, оның қызметімен танысты. Сонымен қатар, Мәжіліс спикері тоқыма-тігін корпорациясының аумағында болды.
Сурет: Inform.kz
