ҚР Парламенті Мәжілісінің Төрағасы Нұрлан Нығматулин мен Татарстан Мемлекеттік Кеңесінің спикері Фарид Мұхаметшин парламентаралық ынтымақтастықты нығайту мәселелерін талқылады,деп “ҚазАқпарат” ХАА Мәжілістің баспасөз қызметіне сілтеме жасай отырып хабарлайды.
Татарстан – Ресейдің табысты өңірлерінің бірі екенін атап өткен Нұрлан Нығматулин біздің еліміздің облыстарының Татарстанмен ынтымақтастығын дамыту жалпы қазақстандық-ресейлік жан-жақты өзара іс-қимылды кеңейтуге елеулі үлес қосатынын атап өтті.
Мәжіліс Төрағасы Нұрлан Нығматулиннің айтуынша, Қазақстан Республикасының Тұңғыш Президенті Нұрсұлтан Назарбаев пен Ресей президенті Владимир Путиннің тиімді жұмысы мен достығының арқасында Қазақстан-Ресей қарым-қатынасының үлгілі сипатына назар аударды. Сонымен қатар, Мәжіліс Спикері Мемлекет Басшысы Қасым-Жомарт Тоқаевтың қызметі Қазақстан мен Ресейдің қарым-қатынасын стратегиялық әріптестік пен одақтастықтың жаңа деңгейіне шығаратынын ерекше атап өтті.
Өз кезегінде мемлекеттік Кеңес Төрағасы Қазақстан мен Татарстан халықтарының мықты мәдени, рухани және экономикалық байланыстарын атап өтті.
Фарид Мұхаметшин атап өткендей, бүгінде біздің еліміз “тамаша дамып, мықты экономикасы мен сенімді болашағы бар”, – деп атап өтті.
Татарстан Парламентінің Спикері еліміздің табысты дамуы үшін өз халқын жұмылдырған тәуелсіз Қазақстанды құрудағы Тұңғыш Президент Нұрсұлтан Назарбаевтың рөлін атап өтті. Фарид Мұхаметшин сондай-ақ Мемлекет басшысы Қасым-Жомарт Тоқаев Қазақстанның Тұңғыш Президентінің бағытын тиімді жалғастырып жатқанын атап өтті.
Біздің елдің Татарстанмен сауда-экономикалық және инвестициялық ынтымақтастықты кеңейтуге мүдделілігі туралы айта келе, Нұрлан Нығматулин парламентшілердің қажетті заңнамалық қолдауды қамтамасыз ете отырып, жан-жақты көмек көрсетуге дайындығын растады.
Перспективалы бағыттардың ішінде – автомобиль жасау, кеме-, әуе өнеркәсібі, көлік және логистика, Ақпараттық технологиялар.
Нұрлан Нығматулиннің айтуынша, Мәжіліс пен Мемлекеттік Кеңестің парламентарийлері арасындағы өзара іс-қимылды нығайту Қазақстан мен Ресей үшін өзара қызығушылық тудыратын ортақ міндеттерді шешу үшін біздің ел мен Татарстан арасындағы әріптестікті дамытуға ықпал ететін болады.
