Мәжіліс Төрағасы Нұрлан Нығматулин 21-22 қарашада Санкт-Петербургте өтетін ТМД Парламентаралық Ассамблеясының шараларына қатысады. Бұл туралы ХАА “ҚазАқпарат” Мәжіліс баспасөз қызметіне сілтеме жасап хабарлайды.
Осы күзгі сессияның басты сәті ТМД ПАА мерейтойлық, елуінші, пленарлық отырысы болады. Оның күн тәртібінде – 2020-2022 жылдарға арналған ТМД-дағы модельдік заң шығарудың перспективалық жоспарының жобасы, экологиялық залалды бағалау туралы модельдік заң, Ұлттық экологиялық қауіпсіздік орталықтарын ұйымдастыру жөніндегі ұсынымдар, трансшекаралық ақпарат алмасу кезінде электрондық нысанда нотариаттық іс-әрекеттер жасау туралы модельдік заң және басқа да заңнамалық актілер.
Мәжіліс Спикері Нұрлан Нығматулин елуінші пленарлық отырыста сөз сөйлейді, сондай-ақ ТМД ПАА Кеңесінің отырысына қатысады.
Н. Нығматулин ТМД ПАА күзгі сессиясы аясында бірқатар екіжақты кездесулер өткізеді.
