Біздің мемлекет парламентінің төменгі палатасының төрағасы Нұрлан Нығматулин мәжілісмендер парламенттік демалыс кезінде немен айналысып жатқанын хабарлады, деп жазады nur.kz ақпарат ресурсы.
Мәжіліс басшысы депутаттар парламенттік демалысқа қарамастан, жұмысын Парламент қабырғасынан тыс жалғастырып жатқанын мәлімдеді.
Нығматулиннің айтуынша, мәжілісмендер қазір өңірлерді аралап, дәріханаларда қажетті дәрі-дәрмектердің бар-жоғын тексеріп, дәрігерлердің жұмыс жағдайымен танысып жатыр.
Мәжіліс депутаттары гуманитарлық көмектің еліміздің медициналық мекемелеріне бөлінуін тексеріп, волонтерлік қызметке қатысуда.
Сонымен қатар, Нұрлан Нығматулин Парламенттің төменгі палатасының депутаттары коронавирус індетімен күресудің қиын кезеңінде азаматтарды қолдау мақсатында қайырымдылық көмек көрсетіп жатқанын баса атап өтті.
Бұған дейін Қазақстан Сенатының төрағасы Мәулен Әшімбаев сенаторлар да қайырымдылықпен айналысып, жеке қаражатын республикамыздың азаматтары мен медициналық мекемелерінің қажеттіліктеріне беріп жатқанын айтқан болатын.
Сурет: sputniknews.kz
