Қазақстан парламенті төменгі палатасының төрағасы Нұрлан Нығматулин Чехия Республикасы парламентінің депутаты, палата спикері Радек Вондрачекпен кездесті. Бұл туралы Мәжілістің баспасөз қызметі хабарлады.
Кездесу барысында қатысушылар екі мемлекет парламентшілерінің ынтымақтастығын нығайтуға қатысты мәселелерді талқылады.Мәжіліс спикері Чехия Республиканың Орталық және Шығыс Еуропа елдері арасындағы негізгі серіктестерінің бірі болып табылатынын атап өтті.
Сонымен қатар, Қазақстан парламенті төменгі палатасының басшысы еліміздің басшылығы Чех Республикасымен қарым-қатынасты кеңейтуге үлкен назар аударатынын айтты. Екі ел арасындағы ынтымақтастықты дамытудың перспективалы бағыттары туралы айта келе, Нығматулин денсаулық сақтау, машина жасау, агроөнеркәсіп технологиялары және “жасыл” энергетика салаларын атап өтті.
Мәжіліс төрағасы Қазақстан парламенті депутаттары чехиялық әріптестерімен байланыстарды нығайтуға мүдделі екенін мәлімдеді. Ол екі мемлекеттің ынтымақтастық жөніндегі салалық комитеттері мен топтарының бірлескен жұмысы заң шығару қызметінің тәжірибесімен алмасуға мүмкіндік береді деп санайды.
Сондай-ақ, Нығматулин Чехия парламенті спикерінің сапары Қазақстан мен Чехияның екіжақты ынтымақтастығын одан әрі дамытуға серпін беретініне сенім білдірді. Өз кезегінде Радек Вондрачек Қазақстан-ячех қарым-қатынастарының деңгейін жоғары бағалады.
Кездесу соңында Мәжіліс спикері Чехия әріптесін Мемлекет Күнімен құттықтап, еліне амандық пен гүлдену тіледі.
